Kocha wa zamani wa APR FC, Adil Erradi, amekanusha uvumi kwamba huenda akarudi kwenye Ligi Kuu ya Rwanda, ingawa baadhi ya ripoti zinamuhusisha na Police FC kufuatia kujiuzulu kwa kocha Vincent Mashami.
Erradi aliifunza APR FC kuanzia 2019 hadi 2022, akiisaidia kushinda mashindano matatu mfululizo ya ligi, na aliiongoza timu hiyo katika mfululizo wa michezo 50 bila kupoteza, hadi walipopotezwa na Mukura mwezi Februari 2022.
Akipiga gumzo na Times Sport, Erradi alisema:
“Hakuna timu yoyote kutoka Rwanda iliyowasiliana nami au kunitumia ujumbe rasmi.”
Aliongeza kuwa ingawa bado hajachagua ni wapi ataenda, ana nafasi nyingine za ukocha katika mataifa mengine.
Hata hivyo, Erradi hakufunga kabisa mlango wa kurudi Rwanda:
“Ndiyo, naweza kurudi Rwanda kama nafasi ya ukocha itapatikana tena.”
Katika safari yake ya ukocha, Adil Erradi amepitia vilabu mbalimbali ikiwemo RC Schaerbeek, Brussels FC, White Star, Bechem United, Raja CA, IR Tangier, na APR FC.
