Msanii maarufu duniani Sean “Diddy” Combs alipokelewa kwa shangwe na wafungwa wenzake alipotakiwa kurudi gerezani, baada ya kushinda kesi kubwa iliyomhusisha na biashara haramu ya watu na ugaidi.
Diddy, mwenye umri wa miaka 55, alipatikana hana hatia katika mashtaka makubwa ambayo yangempelekea kifungo cha maisha. Hata hivyo, bado yuko gerezani kwa kosa dogo la kujihusisha na biashara ya ngono, ambalo linaweza kupelekea kifungo kifupi. Tayari amekaa miezi 10 kizuizini.
Wakili wake, Marc Agnifilo, aliwaambia waandishi wa habari kuwa wafungwa walimshangilia kwa maneno haya: “Hatujawahi kuona mtu akishinda serikali!”
Kesi hiyo ilichukua wiki 8, ikihusisha mashahidi karibu 30, wakiwemo wafanyakazi wa zamani wa Diddy. Yeye hakutoa ushahidi, wala wakili wake hakumleta shahidi yeyote.
Wakili wake alikiri kuwa Diddy alikuwa na changamoto za tabia na mikusanyiko ya mapenzi yenye matatizo, lakini hilo halikutosha kumtia hatiani kwa biashara ya binadamu.
Agnifilo, ambaye hapo awali alikuwa mwendesha mashtaka wa serikali, alisema kwamba uelewa wake mkubwa wa udhaifu wa sheria kuhusu mashtaka hayo ulimwezesha kushinda kesi hiyo ngumu.
