Habari kutoka kundi la kijamii la Waloa Loanda (katika Wilaya ya Walikale, Kivu Kaskazini) zinaeleza kuwa kundi kubwa la watu wenye silaha, wanaodhaniwa kuwa ni waasi wa FDLR, wameanza kuvuruga usalama katika eneo la Mishipo, eneo dogo la Makungurano.
Kwa mujibu wa vyanzo kadhaa, mtu anayedai kuwa jenerali aitwaye Mutayonga, kutoka wilaya ya Masisi, amekuwa Mishipo kwa siku kadhaa, akiwa na wafuasi wapatao 100 wenye silaha nzito na nyepesi.
Lengo la kikundi hiki hakijafahamika wazi, lakini taarifa zinasema kuwa kiongozi huyo aliambia wakazi waondoke katika eneo hilo, akidai kuwa alinunua ardhi hiyo, bila kueleza nani aliyemuuza.
Viongozi wa serikali za mitaa wamethibitisha kuwa hili ni tishio jipya la usalama, kwani wakazi wanapinga agizo la kuondoka mashambani mwao.
Habari kutoka kwa Actualite.cd zinaongeza kuwa tangu kuwasili kwa kikundi hicho, wanaodhaniwa kuwa waasi wa FDLR wamekuwa wakifyatua risasi ili kutisha wakazi wa eneo hilo.
Mamlaka husika zinahimizwa kuingilia kati haraka ili kuzuia hali ya kutokuwa na usalama kuenea zaidi katika eneo hilo la Walikale.
