Urwego rw’u Burundi rushinzwe kugenzura imikorere y’ibitangazamakuru, CNC (Conseil National de la Communication), kuri uyu wa 16 Kamena 2021 rwakuyeho ibihano rwari rwarafatiye BBC.
CNC yari yarafatiye BBC ibi bihano muri Gicurasi 2018, ibigumishaho muri Werurwe 2019, iyishinja gutangaza amakuru y’ibinyoma ku Burundi, n’ubwo ubuyobozi bw’iki gitangazamakuru bwo bwatangaje ko ari uburyo bwo kuniga ubwisanzure bw’itangazamakuru.
Icyo gihe CNC yabujije abanyamakuru b’iki gitangazamakuru cy’Abongereza gukorera ku butaka bw’u Burundi; baba abanyamahanga n’abenegihugu.
Nyuma yo gukurikirwaho ibihano, BBC irasabwa kongera gusaba uburenganzira bwo gukorera mu Burundi bundi bushya.
Icyemezo cyo gukurikiraho iki gitangazamakuru ibihano kiri mu murongo w’ubusabe bwa Perezida w’u Burundi, Evariste Ndayishimiye wasabye CNC kuganira n’ibitangazamakuru yafatiye ibihano.
Kurikira ibiganiro n’amavidewo binyura kuri Bwiza TV
