Abakozi ba Uganda bashinzwe gupima icyorezo cya Covid-19 abatwara amakamyo y’ibicuruzwa ku mupaka wa Mirama Hills uhuza iki gihugu n’u Rwanda, mu gitondo cyo ku wa 18 Kamena 2021 bahagaritse akazi nk’uburyo bwo kwigaragambya.
Nk’uko NTV dukesha aya makuru ibitangaza, icyatumye aba bakozi bigaragambya ni uko kuva muri Nyakanga 2020 kugeza muri uku kwezi 2021, Leta itarabahemba amafaranga bakorera.
Francis Byamukama uyoboye itsinda ry’abakozi bapima abatwara amakamyo, yagize ati: “Biteye isoni kandi nzi ko Perezida atabizi. Ndahamya 100% ko Perezida wacu atazi ko abakozi b’ubuzima bakora ku mupaka badahembwa. Aba hari icyo yavuze. Tumeze nk’impfubyi, uvuga ikibazo ariko nta gisubizo uhabwa.”
Umwe mu bashoferi bagizweho ingaruka n’imyigaragambyo y’aba bakozi, yagize ati: “Twaheze ku mupaka n’amakamyo yuzuye ibicuruzwa, ntabwo tuzi ibiri kubera ku mupaka. Ibikorwa byahagaze ku mupaka, ntacyo ubuyobozi buri kubivugaho.”
George Bakunda uyoboye Akarere ka Ntungamo ku ruhande rwa Uganda, yavuze ko yavuganye n’umuyobozi w’aba bakozi, abasaba gusubira mu kazi, abasezeranya ko ikibazo cyabo kirashakirwa igisubizo.
Bakunda yagize ati: “Twavuganye n’umuyobozi wabo, yabahamagaye, ubu bagarutse ku kazi.”
Aba bakozi na none baherukaga mu myigaragambyo muri Werurwe 2021, bitewe n’iki kibazo cyo kutishyurwa. Icyo gihe bahagaritse akazi, bituma amakamyo arenga 200 ahera kuri uyu mupaka.
Kurikira ibiganiro n’amavidewo binyura kuri Bwiza TV
XMA Header Image
Abasaza babanyapolitike ni babi mubirinde -Asouman avuze amagambo akomeye ku gihano Sankara yasabiwe
youtube.com
