Ubuyobozi bw’Intara ya Punjab muri Pakistani bwatangaje ko mu buryo budasubirwaho bugiye gutangira gufunga (block) telefone z’abantu batemera kwakira urukingo rw’icyorezo cya Covid-19.
France 24 ivuga ko Umuvugizi w’urwego rw’ubuzima muri Punjab, Hammad Raza ku wa Gatanu w’icyumweru gishize yatangaje ko ubuyobozi bw’iyi ntara mbere bwari bwaratanze iki gihano nk’igitekerezo, kugira ngo abaturage bemere urukingo.
Hammad yavuze ko ariko ibyo ntacyo byatanze, kuko umubare w’abafata urukingo wakomeje kuba mutoya kandi icyorezo gikomeje gufata intera muri iyi ntara ituwe cyane muri Pakistani.
Ubu ho icyemezo cyafashwe ntabwo gisubirwaho nk’uko Hammad yabitangaje, ati: “Ubwa mbere cyari igitekerezo ariko abaturage bakomeje gushidikanya ku gufata urukingo, ubwo rero icyemezo cyafashwe.”
Uyu muvugizi yavuze ko ubuyobozi bw’intara buzakorana n’ibigo by’itumanaho, bigashyira mu bikorwa iki cyemezo.
Icyemezo kidasanzwe nk’iki ntigifashwe muri Punjab gusa, kuko n’ubuyobozi bwo muri Singh bugerutse gutangaza ko umukozi wa Leta utazemera urukingo rwa Covid-19 azahagarikirwa umushahara guhera muri Nyakanga 2021.
Kurikira ibiganiro n’amavidewo binyura kuri Bwiza TV
