Televiziyo ya CBC iri mu bafatanyabikorwa bakomeye b’imikino ya Olempike 2020 iri kubera mu Buyapani, tariki ya 22 Nyakanga 2021 yakoze urutonde rw’indirimbo 12 izajya ikunda gukina muri iki gihe.
Muri uru rutonde CBC yise ‘Sounds of the Olympics’ (Amajwi ya Olempike), harimo indirimbo ‘Beautiful’ umuhanzi w’Umunyarwanda Meddy yafatanyije n’Umurundi Sat-B.
Beautiful yasohotse ku rubuga rwa YouTube tariki ya 14 Ukuboza 2020, imaze kurebwa inshuro miliyoni 2.4.
Iyi televiziyo yakoze uru rutonde ishingiye ku bwenegihugu bw’ibihugu byitabiriye imikino ya Olempike mu Buyapani, ibikora kugira ngo abayikurikira bamenye ibyamamare mu muziki bikunzwe muri ibi bihugu.
Yabisobanuye iti: “CBC Music yahisemo indirimbo mu bihugu bitandukanye ku Isi kugira ngo ibagaragarize ibihugu 12 n’abahanzi b’ibyamamare mu muziki babibamo, kugira ngo mumenye ijwi ry’uyu mwaka w’imikino ya Olempike.”
Izi ndirimbo zose uko ari 12 zirimo: Beautiful, Le Bail ya Nina Rossell wo muri Andorra, Astronaut in the Ocean ya Masked Wolf muri Australia, Ma Belle ya AP Dhillon wo muri Canada yafatanyije na Amari wo mu Buhinde, ??? ??????????? ya Hamo Bika wo mu Misiri,
Forever (remix) ya Gyakie wo muri Ghana yafatanyije na Omah Lay, Zitti e buoni ya Maneskin wo mu Butaliyani, Fushigi ya Gen Hoshino wo mu Buyapani, Yonaguni ya Bad Bunny wo muri Puerto Rico, Permission to Dance y’itsinda BTS ryo muri Koreya y’Epfo na 2 Phut Hon ya Phao wo muri Vietnam.
Izi ndirimbo zarebwe ku rubuga rwa YouTube inshuro ziri hagati ya miliyoni 1 na miliyoni 200.
