Umugaba Mukuru w’Ingabo za Tanzania, Gen. Venance Salvatory Mabeyo ari mu ruzinduko rw’akazi mu Burundi guhera kuri uyu wa 12 Kanama 2021.
Ibiro by’ingabo z’u Burundi, FDNB, bivuga ko Gen. Mabeyo yageze mu mujyi wa Bujumbura saa kumi n’igice z’umugoroba.
FDNB yagize iti: “General Venance Salvatory Mabeyo, Umugaba Mukuru w’Ingabo za Repubulika Yunze Ubumwe ya Tanzania ari mu ruzinduko rw’akazi mu Burundi guhera kuri uyu wa 12 Kanama 2021. Yageze i Bujumbura saa 16h30.”
Gen. Mabeyo agirana yakiriwe na mugenzi we wo mu Burundi, Lt. Gen. Prime Niyongabo na Minisitiri w’Ingabo w’iki gihugu, Alain Tribert Mutabazi.
Impande zombi zagiranye ibiganiro, zemeranya ubufatanye bw’ibi bihugu mu kurinda umutekano by’umwihariko ku mbibi, mu kiyaga cya Tanganyika kibihuza no guhanahana ubumenyi mu bya gisirikare.
