Umucamanza Mukuru w’Urukiko Rukuru rwa Mombasa muri Kenya, Eric Ogola yatesheje agaciro ubujurire bw’abantu umunani (8) barangije kwiga amategeko mu Rwanda bangiwe gukora umwuga w’ubwavoka mu 2019.
Kenya 24 News ivuga ko aba bantu ari: Mwarome Hempstone, Patrick Okello, Wekesa Richard, Yegon Kipkorir, Moses Ngigi, Donclus Kokonya, Juma Masambaka na Samuel Maina.
Aba banyamategeko bangiwe kuba abavoka ubwo bari barangizaga amasomo ya kaminuza, bajuririye urukiko rukuru rwa Mombasa kugira ngo rushingiye ku mategeko, rubaheshe uburenganzira bwo gukorera uyu mwuga muri Kenya, kuko bavugaga ko bakorewe ivangura.
Umucamanza Ogola yagize ati: “Nasanze kandi nemeza ko abajuriye batagomba kuba rutonde rw’abemerewe kuba abavoka b’urukiko rukuru rwa Kenya rwa tariki ya 3 n’iya 4 Nzeri 2019. Rero ibirego by’uko abajuriye bakorewe ivangura ntibigaragara nta n’ishingiro bifite.”
Uyu mucamanza yasobanuye ko amategeko ya Kenya atemerera abize amategeko mu Rwanda no mu Burundi gukora umwuga w’ubwavoka.
