Mu mukino wa kabiri muri itanu iteganyijwe muri kamarampaka (playoffs), ikipe ya Basketball ya REG BBC yatsinze Patriots BBC manota 79 kuri 70, mu ijoro ryo kuri uyu wa 10 Nzeri 2022.
Uyu mukino wabereye muri B.K Arena, waranzwe n’ishyaka ku mpande zombi, aho hasigaye iminota 2 ngo umukino urangire, Patriots yari imbere n’amanota 63 kuri 57 ariko birangira REG iyigaranzuye.
Ku ruhande rwa REG, umukinnyi Thomas Cleveland ni we wigaragaje cyane kuko yatsinze amanota 21, aha bagenzi be imipira ine ibyara amanota. Kuri Patriots, uwigaragaje cyane ni Kenny Gasana.
Umukino wa mbere wabaye ku wa Kabiri w’icyumweru gishize. Patriots yawutsinze ku manota 75 kuri 70 ya REG. Uwa gatatu uraba kuri uyu wa 12 Nzeri.
Tubibutseko ikipe ya REG ariyo ifite igikombe cya shampiyona ya 2021, aho byayihesheje umwanya wo guhagararira u Rwanda mu irushanwa rya Basketball Africa League 2022.
