Abatunganya bakanacuruza amashusho y’urukozasoni azwi nka ‘porno’ mu Bwongereza ubu baricinya icyara bitewe n’ubwiyongere bukabije bw’abakiriya babo.
Raporo nshya yashyizwe hanze n’urubuga Ofcom ivuga ko mu bihe bya Guma mu Rugo byo kwirinda ikwirakwira ry’icyorezo cya Covid-91 mu Bwongereza, abantu benshi bahugiye cyane mu kureba amashusho y’urukozasoni ku mbuga agaragaraho.
Mu Bwongereza, kuva muri Nzeri 2020 abagabo 50% barayarebye, mu gihe abagore 16% ari bo bayarebye nk’uko BBC dukesha iyi nkuru yabitangaje.
Urugero rw’imbuga zicuruza aya mashusho zabonye abakiriya benshi Pornhub, kuva mu muri uko kwezi rukaba rwarafunguwe n’abagera kuri miliyoni 15.
Ofcom isobanura ko kubera ko mu bihe bya Guma mu Rugo abenshi batakaje akazi bakoraga, byatumye bamwe muri bo batangira gushakira amafaranga mu gucuruza aya mashusho.
Nk’urubuga rwa Only Fans na rwo rucuruza aya mashusho rwatangaje ko muri Gicurasi 2020 ubwo u Bwongereza bwari mu bihe bya Guma mu Rugo, rwatangaje ko rwabonye abakiriya bashya 75%.
Kurikira ibiganiro n’amavidewo binyura kuri Bwiza TV
