Umubare w’Abanyarwanda bakoresha telephone ngendanwa ngo wazamutse kugeza ku kigero cya 80% mu Ukuboza 2016 nk’uko bitangazwa n’Ikigo cy’Igihugu gishinzwe kugenzura imirimo ifitiye igihugu akamaro (RURA).
Raporo y’iki kigo iravuga ko abakoresha telephone ngendanwa mu Rwanda bavuye kuri 8, 858,000 mu Ugushyingo bakagera kuri 8,921,000 mu mpera z’Ukuboza 2016. Umubare ukaba waragiye uzamukaho 0,72% mu kwezi bikagera kuri 79.2% bivuye kuri 78,7% mu kwezi kwabanje. Iyi mibare ikaba iri hejuru ya 78% yabarwaga muri Mutarama na 77.8% yo mu Ukuboza 2015.
Raporo ya RURA igaragaza ko Tigo yinjije abakiriya benshi mu kwezi gushize kurusha ibindi bigo, aho yabonye abafatabuguzi bashya 36,588 mu Ukuboza 2016 bigatuma umubare w’abafatabuguzi bayo ugera kuri miliyoni 3,252 bavuye kuri miliyoni 3,216 mu Ugushyingo.
[xyz-ihs snippet=”google-pub”]
Airtel yo yabonye abafatabuguzi bashya 21,433 igira abafatabuguzi miliyoni 1,596 bavuye kuri miliyoni 1,547 yabarirwaga mu kwezi kwabanje.
Iri terambere nk’uko iyi nkuru dukesha The New Times ivuga, rikaba rigiye gushyira igitutu ku bari bayoboye iri soko rya serivisi za telephone ngendanwa, ari bo MTN, yabonye abakiriya bashya 5,490 gusa ikaba igize abakiriya miliyoni 4,072 bavuye kuri miliyoni 4,067 yari ifite mu kwezi kwabanje.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
