Kuri uyu wa 11 Kamena 2023, muri Kigali habaye irushanwa rya “Kigali International Peace Marathon 2023″ ryari mu byiciro 3 birimo Full Marathon y’ibilometero 42,1; Half-Marathon y’ibilometero 21,09 na Run for Peace cya rusange.
Muri Full Marathon mu bagabo hatsinze Umunya-Kenya George Onyancha, wakoresheje amasaha abiri, iminota 17 n’amasegonda 41.
Mu bagore, uwa mbere yabaye Muluhebt Tsega wo muri Ethiopia wakoresheje amasaha abiri, iminota 35 n’amasegonda 17, akurikirwa n’Umunya-Kenyakazi Charop Sharon Jemutai wakoresheje amasaha abiri, iminota 36 n’amasegonda 5 .
Muri Half-Marathon mu bagabo hatsinze Kennedy Kipyeko wakoresheje isaha imwe, iminota 5 n’amasegonda 52, akurikirwa na Mburu John wakoresheje isaha imwe, iminota itatu n’amasegonda 54.
Mu bagore, imyanya ya mbere yihariwe n’Abanya-Kenya aho uwa mbere yabaye Moseti Winfridah Moraa wakoresheje isaha imwe, iminota 12 n’amasegonda 40, akurikirwa na Lilian Lelei Jepkemboi wakoresheje isaha, iminota 13 n’amasegonda 36 naho Susan Chambai Aramisi akoresha isaha, iminota 14 n’amasegonda 33.
Umunyarwandakazi waje hafi ni Yankurije Marthe wabaye uwa karindwi yakoresheje isaha, iminota 15 n’amasegonda
Kuri iyi nshuro, umukinnyi wegukanye Marathon mu bagabo n’abagore yatsindiye ibihumbi 20$ uwa kabiri yahawe ibihumbi 15$ naho uwa gatatu yahawe 7500$.
Mu basiganwe igice cya Marathon, uwa mbere mu bagabo no mu bagore yahawe 5000$, uwa kabiri yahawe 4000$, mu gihe uwa gatatu yahawe 3000$.
Muri Half-Marathon, uwa mbere yahembwe 400$.
