Urukiko rwo muri Repubulika ya Centrafrica rwakatiye Franà§ois Bozizé wayoboye iki gihugu kuva mu 2003 kugeza mu 2013, igihano cy’imirimo y’agahato mu gihe cyose mu buzima bwe.
Iki cyemezo cyasomwe na Perezida w’urukiko rw’ubujurire rwa Bangui, Joachim Pessire, kuri uyu wa 21 Nzeri 2023, nk’uko byatangajwe n’ikinyamakuru Jeune Afrique.
Uyu mucamanza yasobanuye ko Bozizé yahamwe n’ibyaha birimo kubangamira umutekano w’imbere mu gihugu n’ubwicanyi, bikomoka ku bikorwa by’ihuriro ry’imitwe yitwaje intwaro rya CPC afitemo ukuboko.
Gusa ariko, iki cyemezo cyafashwe mu gihe Bozizé w’imyaka 76 y’amavuko atari muri Centrafrica kuko ari mu buhungiro muri Guinée Bissau kuva muri Werurwe 2023, aho yagiye avuye muri Chad.
