Ku wa gatatu tariki ya 12 Kamena, ubwo Chris Froome yari mu irushanwa ry’amagare rya Criterium du Dauphine mu Bufaransa, yakoze impanuka ku buryo byamugizeho ingaruka yo kutazitabira ‘Tour de France 2019’.
CNN dukesha iyi nkuru ivuga ko Chris Froome watwaye iri rushanwa ubugira kane, yagonganye na bagenzi be, agira ibikomere byinshi harimo n’imvune yo mu kuguru byanamuviriyemo kubagwa.
Umuvugizi w’ikipe ya Team Ineos Froome akinira, yabwiye iki kinyamakuru ko ibagwa rya Froome ryabaye mu ijoro ryagenze neza, ubu akaba acyitabwaho n’abaganga.
Uyu Mwongereza (Froome) yatwaye Tour de France (irushanwa rya mbere ry’amagare ku isi) mu 2013, 2015,2016 na 2017. Yatwaye Vuelta a Espaà ±a muri Esipanye mu 2017, anatwara Giro d’Italia ryo mu Butaliyani mu 2018.
