Guverinoma y’u Bwongereza yashyize ibihugu 5 byo mu Karere ka Afurika y’Iburasirazuba (EAC) ku rutonde rutukura rugaragaramo ibirimo ubwandu bukabije bw’icyorezo cya Covid-19.
Muri uyu muryango ugizwe n’ibihugu 6, Sudani y’Epfo yonyine ni yo itari kuri uru rutonde. Birumvikana ko ibiruriho ari: u Rwanda, u Burundi, Uganda, Tanzania na Kenya.
Abaturuka muri ibi bihugu bageze mu Bwongereza, guhera tariki ya 8 Kanama 2021 bazajya babanza kujya mu kato muri hoteli mu gihe cy’iminsi 10, banipimishe Covid-19 ku munsi wa kabiri n’uwa munani bakarimo.
Ibya ngombwa bazakenera bari muri izi hoteli bazabyiyishyurira, ibiciro byiyongere ku barengeje imyaka 13 y’amavuko. Gusa iyi Guverinoma ivuga ko hari ubufasha buzahabwa abadafite ubushobozi.
Kurikira ibiganiro n’amavidewo binyura kuri Bwiza TV
