Ingabo z’u Burundi zirwanira mu mazi zakozanyijeho n’abitwaje intwaro bane bari mu bwato buto mu kiyaga cya Tanganyika, zica bamwe, abandi barohamye bapfira mu mazi.
VOA ivuga ko iyi mirwano yabereye ahitwa mu Minago mu Ntara ya Rumonge, mu gitondo cyo kuri uyu wa 7 Nzeri 2021. Ngo abarobyi batewe amakenga n’aba bitwaje intwaro babanje gutabaza.
Izi ngabo zisanzwe zirinda iki kiyaga ngo zahagobotse, zirasana n’aba bitwaje intwaro, zicamo babiri, abandi babiri bararohama, bapfira mu mazi.
Ingabo z’u Burundi kandi zerekanye intwaro abapfuye ebyiri bafatanwe, bombe ebyiri n’imbunda izirasa, amavuta na moteri y’ubwato. Bikekwa ko baturutse muri Repubulika ya Demukarasi ya Congo.
