Abakomando barinda Perezida wa Repubulika ya demukarasi ya Congo bamaze kwinjira mu mirwano yaramukiye mu bice bitandukanye byo muri teritwari ya Masisi, mu ntara ya Kivu yāAmajyaruguru.
Mu gitondo cyāuyu wa 4 Ukwakira 2023, ubuyobozi bwa M23 bwatangaje ko ihuriro ryāingabo za Leta nāimitwe yitwaje intwaro igize Wazalendo ryagabye ibitero mu bice birimo Kilolirwe, Burungu, Katovu na Tebero guhera mu masaa kumi y’urukerera.
Umuvugizi wa M23 ku rwego rwa politiki, Lawrence Kanyuka, mu masaa yine y’amanywa yatangaje ko uru rugamba rwinjiyemo aba barinzi. Ati: āGR bakoze umwicanyi i Goma babisabwe na Bwana Tshisekedi Tshilombo, binjiye mu bitero rusange bya FARDC, FDLRā¦M23 irakomeza ibirindiro byayo, ari na ko irinda abaturage.ā
Kanyuka yatangaje ko ibitero byakomereje no mu bindi bice bya Masisi. Ati: āAmakuru mashya ya saa munani: Ibitero rusange byāintwaro ziremeye bikomereje mu biturage bya Kizimba, Muhongozi, Nyakabingu, Kibarizo, Kirumbuā¦M23 iracyafite ibirindiro byayo.ā
Abanyamakuru bo muri RDC barimo Justin Kabumba ukorera mu kwaha kwa Leta, batangaje ko iyi mirwano yahuje abarwanyi ba M23 nāabagize imitwe ihuriye muri Wazalendo. Bagaragaje amafoto yāamagana yāabatuye muri Masisi bahunga urusaku rwāimbunda ziremereye babyukiyemo, berekeza mu gace ka Kitshanga.
Umuvugizi wāigisirikare cya RDC mu ntara ya Kivu yāAmajyaruguru, Lt Col. Ndjike Kaiko Guillaume, yasohoye itangazo rigizwe nāibika bibiri, asobanura ko nta ruhare ingabo zabo zifite muri iyi mirwano, ahubwo ngo zikomeje kubahiriza icyemezo cyāabakuru bāibihugu byo mu karere cyo gutanga agahenge. Ati: “FARDC ntiri mu mirwano, ahubwo iri gutanga agahenge nk’uko byasabwe n’abakuru b’ibihugu byo mu karere.”
Umuvugizi wa M23 ku rwego rwa gisirikare, Major Willy Ngoma, mu gitondo cyāuyu wa 4 Ukwakira yatangarije BWIZA ko imirwano ikomeje kandi ko uyu mutwe avugira uri kwihaniza ingabo za RDC āzawushotoyeā.
Iyi mirwano yubuye tariki ya 1 Ukwakira 2023. Impande zombi zirashinjanya gushoza intambara, kandi zatangaje ko zifite uburenganzira bwo kwirwanaho.
