Myugariro w’ikipe y’igihugu ‘Amavubi’, Mutsinzi Ange na Trofense yo muri Portugal akinira, bananiwe kwitwara neza batsindirwa mu rugo na Vlafranquense ibitego 1-3.
Bakinaga umunsi wa 17 wa shampiyona y’icyiciro cya kabiri ya Portugal.
Mohamed Belkheir ni we wafunguye amazamu ku ruhande rw’ikipe ya Vilafranquense ku munota wa 15, Nuno Rodrigues atsinda igitego cya kabiri ku munota wa 39, mu gihe Enca Fati yashyizemo agashinguracumu k’umunota wa 69.
João Paulo ni we watsindiye Trofense impozamarira ku munota wa 52.
Myugariro Mutsinzi Ange nk’ibisanzwe yari yabanje mu kibuga, akina iminota yose y’umukino.
Nyuma y’umunsi wa 17 Trofense iri kumwanya wa 11 n’amanota 21, mu gihe Casa Pia ari yo iyoboye iriya shampiyona n’amanota33.
Ikipe ya Varzim ni yo iri ku mwanya wa 18 ari na wo wa nyuma n’amanota 8 yonyine.
Eulade Mahirwe
