Perezida w’u Bufaransa, Emmanuel Macron, ategerejwe i Kinshasa muri Repubulika ya demukarasi ya Congo tariki ya 3 Werurwe 2023.
Uruzinduko rwe i Kinshasa ruzaba rukurikiye urwo azaba amaze iminsi agirira mu bihugu byo ku mugabane wa Afurika birimo: Gabon, Angola na Repubulika ya Congo.
Ibiro ntaramakuru by’Abafaransa, APF, bisobanura ko mu ruzinduko rwo muri Gabon ruzatangira tariki ya 1 Werurwe, Perezida Macron azitabira inama ya One Forest Summit iziga ku kubungabunga amashyamba.
Uruzinduko rwo muri Angola na Congo-Brazaville rwo ruzaba rugamije gukomeza ubufaranye bw’u Bufaransa n’ibihugu bihugu mu nzego zitandukanye zirimo urw’ubuhinzi.
I Kinshasa, biteganyijwe ko azahagirira uruzinduko tariki ya 3 n’iya 4 Werurwe 2023, aho azaba ajyanwe no gukomeza ubufatanye mu burezi, ubuzima, ubushakashatsi, umuco n’igisirikare.
