Raporo y’Umugenzuzi w’Imari ya Leta 2017 igera mu nzego z’ibanze, ikagaragaza uko uturere duhagaze mu mitangire y’inguzanyo za VUP, imihembere y’abakoze muri VUP, imitangire y’inkunga yagenewe abatishoboye, ndetse n’amafaranga yagenewe ibigo by’amashuri muri gahunda yo kugaburira abana.
Amafaranga y’inguzanyo ahera muri SACCO, n’ubwo n’asohotse yishyurwa nabi. Hagati y’umwaka wa 2009 na 2015, iyi gahunda yagize ibibazo by’imyishyurire mibi y’abahabwa inguzanyo, hakunze kuvugwa ko zinahabwa abatazikwiye.
Muri miliyari zisaga 22 (22,238,525,883) zagombaga kwishyurwa tariki 30 Kamena 2016, nyuma y’umwaka hari hamaze kugaruka arenga gato miliyoni 603 (603,101,894). Ni ukuvuga tariki ya 30 Kamena 2017, hari hamaze kwishyurwa angana na 14,311,119,688 kuva iyi gahunda yatangira. Ubwo ubwishyu buri ku kigero cya 64%, kuko hakiri andi hafi miliyari umunani ataragaruzwa (7,927,406,195), nayo ngo ahabwe abandi bayakeneye.
Gusa n’umugenzuzi asanga Leta yagombye kwiga impamvu zituma ubwishyu bugenda nabi, igafata ingamba zituma abayahabwa bakora imishinga mizima ibafasha kwishyura, kandi ku nyungu itabagoye.
Ibi biri mu byatumye mu 2015-2016 Leta ifata umwanzuro wo kunyuza iyi nguzanyo muri za SACCO, maze noneho n’abayafataga baragabanuka.
Usibye no kuba SACCO zifite imikorere (ikigo cy’imari, kigendera ku mategeko ya BNR gifite abakozi bahembwa kandi kigamije inyungu) yazo, ngo n’inyungu yavuye kuri 2% yari amenyerewe ajya kuri 11%, ibyaba byarabaye nk’urucantege ku basaba iyi nguzanyo.
Uko uturere twagenzuwe dukurikirana mu gutanga iyi nguzanyo
1.Ruhango(52%): Hatanzwe 342,743,626 kuri 661,571,365
- Rusizi(39%): Hatanzwe 184,990,000 muri 469,905,641 yahawe za Sacco
- Kicukiro(30.9%): Batanze 58,390,000 kuri 188,911,023 ahari
- Nyanza (28%): Hatanzwe 123,230,000 kuri 434,813,782 zagenwe
- Nyarugenge (26,2%): Amafaranga 29,450,000 niyo yahawe abayakeneye, kuri 112,229,971 ahari . SACCO enye zayahawe, iya Nyamirambo yo yatanze angana na 9% gusa.
- Gicumbi (25%): Batanze 142,037,493 kuri 570,204,360.
- Rulindo(25%): Hatanzwe 84,612,856 muri 344,966,339 yashyizwe muri za Sacco
- Nyaruguru(24%) : Batanze 146, 107, 715 muri 611,327,892 bahawe
- Musanze(17%) : Batanze 29,540,000 kuri 172,771,309
- Nyamagabe(13%): Batanze 67,724,000 muri 539,505,514 bafite
- Muhanga(11%): Batanze 32,737,000 kuri 274,743,007
Kanda kuri SUBSCRIBE ujye ubona ibiganiro n’indirimbo bishya
