Umuhanzi Nizzo Kaboss wo mu itsinda ryamamaye nka Urban Boyz yaguye ku rubyiniro ubwo yari ari gutaramira abitabiriye igitaramo cya Platini P.
Kuri uyu wa 30 Werurwe 2024 nibwo habaye igitaramo cya Platini P yise ’Baba Xperience’ aho cyabareye muri Camp Kigali.
Iki gitaramo cyaririmbyemo abahanzi batandukanye barimo n’itsinda Urban Boyz rigizwe na Nizzo na Humble Jizzo, Butera Knowless n’abandi.
Ubwo iri tsinda ryageraga ku rubyiniro, ryatangiye kuririmba indirimbo zabo zigiye zitandukanye.
Ubwo bageraga kuri ’die i die’ bakoranye na Riderman, Nizzo yaje guhura n’uruva gusenya ahanuka ku rubyiniro agwa hasi imbere y’insakazamajwi.
Mu mashusho akomeje kuzenguruka ku mbuga nkoranyambaga yerekana uyu musore yikubita hasi imbere y’urubyiniro ahari hateretse indangururamajwi yasakazaga amajwi mu ihema ryaberagamo iki gitaramo.
Ubwo yikubitaga hasi, Nizzo yabanje kugarama hasi mbere y’uko aza guhagurutswa n’abashinzwe umutekano bari aho mu gitaramo.
Nizzo yaguye ari kumwe na Humble Jizzo babana mu itsinda rimwe ndetse yari ari kumwe na Riderman wari waje kubafasha kuririmba ’Till i die’ banakoranye.
Tanga igitekerezo