Igisirikare cya Repubulika iharanira Demokarasi ya Congo, FARDC, kiratangaza ko kuri uyu wa Gatatu ushize cyafashe ari muzima Isaac Cirhabissa, wihaye ipeti rya colonel wahoze ari icyegera cy’umuyobozi w’umutwe wa Ma௠Ma௠Rai Mutomboki ya Gen. Hamakombo.
FARDC iravuga ko Col Cirhabissa yafashwe ari gutegura kugaba ibitero ku birindiro by’ingabo za leta ari kumwe n’abarwanyi be batatu mu giturage cya Katubiro, muri groupement ya Kalima. Isaac Cirhabissa akaba akekwaho uruhare mu iyicwa ry’abasirikare babari bakuru ba FARDC biciwe mu cyumweru gishize ahitwa Bunyakiri.
Nk’uko iyi nkuru dukesha Radio Okapi ikomeza ivuga, ngo umwe mu bafatanywe nawe ngo yaba ari uwahoze mu gisirikare cya FARDC wafashe icyemezo cyo kujya mu ishyamba mu mezi makeya ashize.
Itabwa muri yombi ryabo ngo rikaba ryaraturutse ku bufatanye n’abaturage bahereye igisirikare amakuru ku gihe nk’uko byemezwa n’abatangabuhamya. Umuyobozi wa Bunyakiri yemeje aya makuru, yongeraho ko yashimishije abaturage bose ayobora.
