Nyuma yo kumva ko indege za Rwandair zigiye gutangira gukorera ingendo i Kinshasa abayobora amasosiyete y’ indege muri Congo-Kinshasa batangiye kwinubira ibiciro bya Rwandair bivugwa ko biri hasi.
Rwandair izatangira ingendo tariki ya 17, Mata 2019 muri Repubulika Iharanira Demokrasi ya Congo, biravuga ko yazishyizeho ibiciro byo hasi ugereranyije ni uko byari bisanzwe ku indege zari zisanzwe zikorera muri iki gihugu.
Kuva i Kigali kugera i Kinshasa kugaruka i Kigali ni amadorali ya Amerika 485. Ibi byiyongeraho kwemererwa wemerewe gutwarirwa ibiro 56 kg .
Mu gihe umugenzi uteze indege za Congo Airways kuva Kinshasa-Goma-Kinshasa yishyura amadorari y’ amanyamerika 670$ akemererwa gutwara ibiro 40kg. Iki giciro kiri hejuru bitewe n’uko uru rugendo ari rugufi ugereranyije n’urukorwa na Rwandair kandi n’ibiro umugenzi yemererwa gutwara bikaba ari bike.
Na none kuva ku Kibuga cy’ indege cya Kavumu giherereye ku birometero bicye uvuye mu Mujyi wa Bukavu ujya Kinshasa wishyura amadorari y’ Amanyamerika 790 kugenda no kugaruka. Ibi bivuze ko ushaka gutega indege ava i Bukavu ajya Kinshasa, ashobora kuza Kigali akabona kwerekeza Kinshasa kuko biba bihendutse ugereranyije no kuyitegera Kavumu.
Abashoramari bafite amasosiyete y’ indege zitwara abantu n’ imizigo batangiye kwinubira ibiciro bya Rwandair mu gihe ibiciro byo kuva mu Ntara zo mu Burasirazuba bwa Congo-Kinshasa byari hejuru cyane ni ukuvuga hagati y’ amadorari 260 na 315 mu kugenda gusa.
Aba bayoboye aya masosiyete muri Congo bagira bati’’ Niba ari uku tugiye gukorana n’ abagenzi bacu bo mu Biyaga Bigali ndetse n’ Afurika y’ i Burasirazuba twatangiye nabi’’.
Amasosiyete CAA na Congo_Airways niyo yatangiye gushyira mu majwi Leta ya Tshisekedi anavuga ko ari mu gihombo gishobora gutuma ajya mu mazi abira, nk’ uko tubikesha PAXNEWS.
[penci_related_posts dis_pview=”no” dis_pdate=”no” title=”Izindi nkuru wasoma” background=”” border=”” thumbright=”no” number=”4″ style=”list” align=”none” withids=”” displayby=”recent_posts” orderby=”rand”]
Rwandair izatangira gukorera ingendo i Kinshasa tariki ya 17 Mata 2019, ifite indege zigezweho 12 kandi zikora ingendo ndende ziva i Kigali zikagera muri Aziya mu Burayi na Mumbai mu Buhinde , Guangzhou mu Bushinwa ndetse na Londres mu Bwongereza.
Gaston Rwaka/bwiza.com
