Guverineri Mukuru wa Canada yunamiye inzirakarengane zishyinguye mu rwibutso rwa Kigali- AMAFOTO

Guverineri Mukuru wa Canada, Julie Payette, ari mu Rwanda aho yitabiriye umuhango wo kwibuka ku nshuro ya 25 Jenoside yakorewe Abatutsi mu 1994.

Hamwe n’intsinda bari kumwe mu Rwanda, kuri uyu wa Gatandatu tariki ya 6 Mata 2019, bashyize indabo ku rwibutso rwa jenoside rwa Kigali, ruri ku Gisozi, rushyinguyemo imibiri y’inzirakarengane zisaga ibihumbi 250, zishwe muri jenoside yakorewe Abatutsi.

Julie Payette w’imyaka 55 ni Guverineri Mukuru wa 29 wa Canada, ni umwe mu bayobozi bazifatanya n’abanyarwanda gutangira ibikorwa byo kwibuka ku nshuro ya 25 Jenoside yakorewe Abatutsi, barimo aba bakurikira;

Minisitiri w’Intebe w’u Bubiligi Charles Michel, Guverineri Mukuru wa Canada Julie Payette, Perezida Patrice Talon wa Bénin, Perezida Denis Sassou-Nguesso wa Congo Brazzaville, Perezida Ismaà¯l Omar Guelleh wa Djibouti, Perezida Ibrahim Boubacar Keà¯ta wa Mali, Perezida Mahamadou Issoufou wa Niger na Perezida Idriss Déby Itno wa Tchad