Abakunzi b’umupira w’amaguru, cyane abakunda ikipe ya Real Madrid bababajwe n’urupfu rw’umuvandimwe wa Zinedine Zidane utoza iyi kipe iri muri Canada yitegura amarushanwa y’umwaka w’imikino utaha.
Real Madrid ibicishije ku rubuga rwayo yihanganishije uyu mutoza ufite ubwenegihugu bw’Ubufaransa. Muri Montreal-Canada, ikipe yafashe umunota wo kwibuka no kwifatanya na Zidane mu kababaro.
Uyu muvandimwe wa Zidane yitwa Farid Zidane, yari mukuru we ku myaka y’amavuko 54. Yarushaga murumuna we imyaka y’amavuko 7.
Ku wa 12 Nyakanga 2019, Zidane yasize iyi kipe muri Canada, ajya kureba umuryango we. Real Madrid yemeje iby’uru rupfu uyu munsi.
