Impuzamashyirahamwe y’Umupira w’Amaguru muri Afurika (CAF) yashyize ahagaragara urutonde rw’ibihugu byamaze kubona itike yo kwitabira CHAN 2024 bitarimo u Rwanda.
Ibihugu byabonye itike birimo Kenya, Uganda, Tanzania, Sudani (CECAFA), Guinea, Senegal, Mauritania (WAFU A), Niger, Burkina Faso, Nigeria (WAFU B), Morocco (UNAF), Centrafrique, Congo, DR Congo (UNIFAC), hamwe na Angola, Zambia, na Madagascar (COSAFA).
U Rwanda rwaje gukurwa ku rutonde rw’ibihugu byari byatangajwe mbere kubera amakosa ya CAF, ariko ruracyahabwa amahirwe yo kubona itike nk’ikipe yabaye iya kabiri muri CECAFA nyuma yo gusezerera Sudani y’Epfo mu ijonjora rya nyuma.
CAF yavuze ko ibihugu bibiri bisigaye kugira ngo amakipe yuzure bizatangazwa mu minsi iri imbere.
Amavubi akomeje kwiringira amahirwe yo kuzitabira iri rushanwa rikinwa n’abakinnyi bakina imbere mu gihugu.
