Ku wa 22 no ku wa 23 Mutarama 2025 abasirikare b’u Rwanda bo mu Ngabo z’Igihugu (RDF) barangije amasomo y’imyaka ine bigiraga mu mashuri makuru ya gisirikare muri Qatar.
Ibirori byo gusoza amasomo byitabiriwe na Nyiricyubahiro Sheikh Tamim bin Hamad Al Thani, Umwami wa Qatar ndetse n’abasirikare bakuru baturutse mu bihugu byombi, u Rwanda na Qatar hamwe n’abandi bashyitsi batandukanye.
Ubuyobozi bw’Ingabo z’u Rwanda bwatangaje ko abasoje aya masomo ari abasirikare icyenda, barimo bane (4) bo mu Ngabo zirwanira ku butaka, ndetse na batanu (5) bo mu ngabo zirwanira mu kirere.
Ibi birori byitabiriwe n’Umuyobozi w’Ikirenga Nyakubahwa Amir Sheikh Tamim bin Hamad Al Thani ndetse n’abayobozi bakuru ba Qatar, ndetse n’itsinda ry’intumwa z’u Rwanda zari ziyobowe na Brig Gen Franco Rutagengwa, umuyobozi Mukuru wa Rwanda Military Academy.
Aya masomo ni igice cy’ubufatanye hagati y’ibihugu byombi mu rwego rwo kongera ubushobozi mu bya gisirikare no guteza imbere umutekano.
Abasirikare barangije ayo masomo bashimiwe ku bw’umurava no kwitanga bagaragaje mu gihe cy’ayo masomo.
AMAFOTO
