Arsenal yatsinze Manchester City ibitego 5-1 mu mukino wa Premier League wabereye kuri Emirates Stadium ku Cyumweru, tariki ya 2 Gashyantare 2025.
Ikipe y’umutoza Mikel Arteta yakomeje kwitwara neza, yuzuza imikino 14 idatsinzwe.
Kai Havertz yafunguye amazamu hakiri kare, mbere y’uko Erling Haaland yishyurira Manchester City mu gice cya kabiri.
Icyakora, Arsenal yagarutse ikomeye, itsinda ibindi bitego bitatu binyuze kuri Thomas Partey, Myles Lewis-Skelly, Kai Havertz na Ethan Nwaneri.
Perezida Paul Kagame, umufana ukomeye wa Arsenal, yahise ashimira ikipe ye binyuze ku mbuga nkoranyambaga, avuga ko urugendo rugana ku ntsinzi rukomeje.
Nyuma y’umukino, Perezida Kagame yahise anyuza ubutumwa ku mbuga nkoranyambaga ze, ashimira iyi kipe kandi agaragaza ko urugendo rugana aheza rukomeje. Ati “’Gunners’ [Arsenal n’abakunzi bayo] wakoze. Twagiye!”
Mu yindi mikino yabaye, Manchester United yatsinzwe na Crystal Palace ibitego 2-0, naho Tottenham itsinda Brentford ibitego 2-0.
