Kuri uyu wa Gatanu tariki ya 21 Gashyantare 2025, tombola ya 1/8 cya UEFA Champions League yabereye i Nyon mu Busuwisi, itanga amakipe azahura muri iki cyiciro cy’irushanwa rihuza amakipe yabaye aya mbere iwayo ku mugabane w’u Burayi.
Muri iyi tombola, Liverpool yatomboye Paris Saint-Germain, umukino uzaba ukomeye cyane dore ko aya makipe yombi afite amateka akomeye muri Champions League.
Andi makipe uko yatomboranye ni aya:
Club Brugge vs Aston Villa
Real Madrid vs Atletico Madrid
PSV Eindhoven vs Arsenal
Benfica vs FC Barcelona
Borussia Dortmund vs Lille
FC Bayern Munich vs Bayer Leverkusen
Feyenoord vs Inter Milan
Imikino iteganyijwe
Imikino ibanza ya 1/8 izakinwa ku matariki ya 4 na 5 Werurwe 2025, mu gihe iyo kwishyura izaba ku ya 11 na 12 Werurwe 2025.
Ku cyiciro gikurikiraho cya 1/4, ikipe izatsinda hagati ya PSG na Liverpool izahura n’izava hagati ya Club Brugge na Aston Villa. Naho izava hagati ya Arsenal na PSV Eindhoven izakina n’izatsinda hagati ya Real Madrid na Atletico Madrid.
Imikino ya 1/4 ibanza: 8-9 Mata 2025. Imikino yo kwishyura: 15-16 Mata 2025
1/2 cy’irangiza: 22-30 Mata (ibanza), 6-7 Gicurasi (kwishyura)
Umukino wa nyuma: 31 Gicurasi 2025 i Munich, mu Budage.
Iri rushanwa rirakomeje gutanga imikino ikomeye, aho abafana b’umupira w’amaguru bategerezanyije amatsiko uburyo amakipe akomeye azahangana muri iki cyiciro.
