Umubiligi Duarte Marivoet w’imyaka 20 ukinira ikipe ya UAE, ni we wegukanye agace ka Gatanu ka Tour du Rwanda 2025, aho yasoreje i Huye nyuma yo gusiganwa ibilometero 144 avuye i Rusizi.
Uyu mukino watangiye abakinnyi bagenda mu kivunge, ariko nyuma bamwe bagerageje gutoroka igikundi.
Mu bilometero bya nyuma, Marivoet yigaragaje cyane, aza gutsinda isiganwa akoresheje amasaha 4, iminota 5 n’isegonda 1.
Umufaransa Joris Delbove wa TotalEnergies wagize iminsi myiza muri iri siganwa, yakomeje kwambara umwambaro w’umuhondo.
Abanyarwanda Masengesho Vainqueur na Manizabayo Eric baje mu myanya ya 9 na 13, aho barushijwe amasegonda 25 n’uwatsinze.
Tour du Rwanda izakomeza ku wa Gatandatu hakinwa agace ka Gatandatu kazahagurukira i Nyanza gasorezwe i Kigali kuri Canal Olympia, ku ntera y’ibilometero 114.
