Amakipe ya APR VC mu bagabo n’abagore yegukanye ibikombe by’irushanwa ry’Akarere ka Gatanu (CAVB Zone V Club Championship 2025) ryabereye i Kampala muri Uganda.
APR VC y’abagore yatsinze Kenya Pipeline amaseti 3-1, naho APR VC y’abagabo itsinda Police VC yo mu Rwanda ku maseti 3-1. Ni ubwa mbere mu mateka y’iyi kipe yegukanye iri rushanwa, riri kuba ku nshuro ya gatatu.
Iri rushanwa ryari rimaze icyumweru, rikaba ryitabiriwe n’amakipe 12 mu bagabo na 9 mu bagore avuye mu bihugu bitandukanye birimo u Rwanda, Uganda, Kenya, Tanzania, U Burundi na Sudani y’Epfo.
Biteganyijwe ko APR VC n’andi makipe ahagarariye u Rwanda agaruka i Kigali kuri uyu mugoroba.
