New York: Impanuka ya kajugujugu mu Ruzi rwa Hudson yahitanye 6

Abayobozi b’Umujyi wa New York bavuze ko abantu batandatu bapfuye nyuma ya kajugujugu yaguye mu Ruzi rwa Hudson kuri uyu wa Kane, itariki 10 Mata 2025.

Umuyobozi w’akarere ka New York, Eric Adams, yagize ati: “Abahohotewe bose uko ari batandatu bavanywe mu mazi. Ikibabaje ni uko aba bantu bose uko ari batandatu batangajwe ko bapfuye.”

Adams yabwiye abanyamakuru ko abahohotewe barimo umuderevu wa kajugujugu n’umuryango wa ba mukerarugendo baturutse muri Espagne.

Kajugujugu yari yahagurutse saa 2:59 z’umugoroba ku isaha yaho (6:59 pm UTC) mbere yo guhanuka nyuma y’iminota 20.

Abayobozi n’abatangabuhamya bavuze ko umuhoro w’indege n’umurizo wayo byavuyeho hagati mu kirere mbere yo kwikubita mu mazi igaramye.