Ubushinjacyaha ku Rwego Rwisumbuye rwa Gasabo bwakiriye dosiye iregwamo umusore w’imyaka 23 ukurikiranweho icyaha cyo gusambanya umwana w’umukobwa w’imyaka 16 kugeza amuteye inda.
Ubushinjacyaha Bukuru dukesha iyi nkuru buvuga ko umusore akekwaho gusambanya uyu mwana w’umukobwa mu bihe bitandukanye kugeza amuteye inda, ndetse uyu mukobwa akaba anakurikiranweho kwica umwana yaje kubyara.
Mu ibazwa rye, uyu musore yemera icyaha cyo gusambanya uyu mwana w’umukobwa ariko agahakana ko ari we wamuteye inda.
Icyaha cyo kwihekura uyu mwana w’umukobwa akurikiranyweho giteganywa n’ingingo ya 8 y’Itegeko nº 059/2023 ryo ku wa 04/12/2023 rihindura ingingo ya 108 y’Itegeko nº 68/2018 ryo ku wa 30/08/2018 riteganya ibyaha n’ibihano muri rusange.
Naho icyaha cyo gusambanya umwana uyu musore akurikiranyweho giteganywa n’ ingingo ya 14 y’Itegeko nº 059/2023 ryo ku wa 04/12/2023 rihindura ingingo ya 133 y’Itegeko nº 68/2018 ryo ku wa 30/08/2018.
