Izindi ngabo za SADC zigera kuri 461 zari mu butumwa bwa SAMIDRC muri Repubulika ya Demokarasi ya Congo zatashye kuri iki Cyumweru, itariki 22 Kamena 2025, zinyuze mu Rwanda.
Ingabo zatashye kuri iki Cyumweru, itariki 22 Kamena zirimo abasirikare 317 ba Afurika y’Epfo n’abandi 144 bakomoka muri Malawi.
Aba basirikare bari batwawe na bus za RITCO 11, bari baherekejwe n’inzego z’umutekano z’u Rwanda kuva kuri Grande Barriere saa tatu za mu gitondo bagomba kuruhukira muri Tanzania aho indege zizabavana zibajyana mu bihugu byabo.
Ingabo za SADC zoherejwe mu 2023 mu butumwa bwa SAMIDRC bwo guhangana na M23 mu burasirazuba bwa Repubulika ya Demokarasi ya Congo (SAMIDRC) zatangiye gutaha, ku itariki ya 12 Kamena 2025, zinyuze mu Rwanda.
