Msanii wa muziki kutoka Rwanda, Teta Barbara anayejulikana kwa jina la kisanii Babo, ametangaza kuwa ana ndoto ya kujiunga na Jeshi la Ulinzi la Rwanda (RDF). Aliyasema haya akiwa katika mafunzo ya kizalendo ya Indangamirwa awamu ya 15, yanayoendelea Nkumba, Wilaya ya Burera.
Babo ni miongoni mwa vijana 438 wanaopatiwa mafunzo kuhusu maadili ya Kitamaduni ya Kinyarwanda, historia ya nchi, na wajibu wa raia kwa taifa.
Katika mahojiano na Radio Rwanda, Babo alisema kwamba upendo wake kwa nchi ndio unaomsukuma kutaka kuitumikia kupitia jeshi.
Alisema:
“Nilitamani kujifunza historia ya Rwanda na kujiandaa kuitumikia. Kujiunga na jeshi ni mojawapo ya njia kuu za kuonesha uzalendo wa kweli.”
Mafunzo haya yanahudhuriwa na vijana kutoka ughaibuni, wanafunzi wa shule za kimataifa nchini Rwanda, waliomaliza programu ya kitaifa ya Inkomezabigwi, na viongozi wa vijana.
Waziri wa Umoja wa Kitaifa na Uzalendo, Dkt. Jean Damascène Bizimana, aliwataka vijana kudumisha mshikamano na kukataa mila potofu kutoka nje.
Babo anafahamika kwa nyimbo kama “Yogati” aliyoshirikiana na Bruce Melodie na “Go Low” na The Ben. Anasema yuko tayari kuacha muziki iwapo nchi yake itamhitaji kulitumikia.
