Ikipe ya FC Barcelona yo muri Espagne yemeye miliyoni 46$ mu gihe cy’imyaka ine yo kwamamaza igihugu cya Repubulika ya Demokarasi ya Congo hagamijwe guteza imbere ubukerarugendo bwacyo.
Nk’uko bigaragara mu masezerano Ibiro Ntaramakuru Reuters byabonye, aya masezerano yo ku itariki 29 Kamena avuga ko ikirango (logo) kigaragaza iki gihugu nka “Umutima wa Afurika” kizaboneka inyuma ku myenda y’imyitozo y’amakipe y’abagabo n’abagore ya Barcelona.
Iki kirango kandi kizagaragara mu kwamamaza iyi kipe, mu kinyamakuru cyayo no muri raporo y’umwaka y’iyi kipe, nk’uko ayo masezerano abigaragaza.
Biteganyijwe ko mu gihe cy’imyaka ine Repubulika ya Demokarasi ya Congo izajya yishyura hagati ya miliyoni 11$ na miliyoni 13$ ku mwaka.
One Response
CYIROMBO nazaba yavuyeho ku mbaragabza RUGIRA, niho Aya masezerano azabyara ibyiza