Umunya-Uganda Ronald Ssekiganda umaze igihe gito yerekeje muri APR FC, yagize ibyago byo gupfusha nyina umubyara.
APR FC yemeje aya makuru mu butumwa bumwihanganisha yanyujije ku rubuga rwayo rwa X.
Iyi kipe y’Ingabo z’Igihugu yagize iti: “Ubuyobozi bwa APR, abakinnyi ndetse n’abakozi, bifatanije na Ronald Ssekiganda mu gahinda ko kubura umubyeyi we (nyina). Aruhukire mu mahoro.”
Ronald Ssekiganda w’imyaka 21 y’amavuko, mu mpeshyi y’uyu mwaka ni bwo yinjiye muri APR FC avuye muri Villa Sports Club y’iwabo muri Uganda.
Ku wa Gatanu tariki ya 25 Nyakanga ni bwo umubyeyi we, Kyakuwa Caroline yitabye Imana.
Biteganyijwe ko ku gicamunsi cyo kuri uyu wa Gatandatu ari bwo ari bushyingurwe.
