Umuyobozi w’Ikigo cy’Igihugu gishinzwe imihanda muri Repubulika Iharanira Demukarasi ya Congo (FONER), Fulgence Baramos yatawe muri yombi kuri uyu wa 9 Mata 2020 nyuma y’Umuyobozi w’Ibiro by’Umukuru w’Igihugu, Vital Kamerhe.
Baramos yafungiwe muri Gereza ya Makala akurikiranweho icyaha cyo kunyereza amadolari y’Amerika arenga miliyoni 50 yagombaga gukoreshwa mu gusana imihanda iri mu ntara ya Kivu y’Amajyepfo nk’uko Kivu Press yabitangaje.
Vital Kamerhe we mu ijoro ryo ku wa 8 Mata ni bwo yafungiwe muri Gereza ya Makala i Kinshasa, nyuma yo gushyirirwaho impapuro zimuta muri yombi n’Umushinjacyaha Mukuru. Akurikiranweho kunyereza amafaranga ya Gahunda y’Iminsi 100 yashyizweho na Perezida Tshisekedi.
Impamvu Vital Kamerhe yaba yafunzwe ni uko yanze kwitaba umushinjacyaha tariki ya 6 Mata nk’uko yari yabihamagariwe. Umushinjacyaha yabifashe nk’agasuzuguro yaba yaratewe n’icyubahiro afite ku butegetsi bw’Umukuru w’Igihugu.
