Byibuze abantu 42 bahitanwe na bus yaguye mu Ntara ya Limpopo yo mu majyaruguru ya Afurika y’Epfo nk’uko byatangajwe n’ibinyamakuru byaho kuri uyu wa Mbere.
Iyi mpanuka yapfiriyemo abagore 18, abagabo 17, n’abana barindwi, nk’uko byatangajwe na televiziyo SABC yo muri Afurika y’Epfo itangaza imibare yahawe na Minisiteri y’ubwikorezi.
Ku Cyumweru, nibwo abagenzi barenga 30 bajyanwe mu bitaro nyuma y’uko bus, yari itwaye abenegihugu ba Malawi na Zimbabwe, yatakazaga uburinganire ikarenga umuhanda ikibirandura ikagwa amapine ari hejuru igisenge kiri hasi.
Ibikorwa byo gutabara byari bikomeje mu gitondo cyo kuri uyu wa Mbere, kubera ko hari abagenzi bakekwagaho kuba bahezemo imbere, mu gihe umuhanda wabereyemo impanuka ukomeje gufungwa.
