Minisiteri y’Ubuzima mu Rwanda kuri uyu wa 11 Nyakanga 2020 yatangaje ko hagaragaye abantu 47 banduye Covid-19 mu bipimo 4060 byafashwe. Habonetse kandi umuntu wa kane wishwe n’iki cyorezo muri iki gihugu.
Ababonetse muri Kigali ni 43 barimo abaturutse mu kigo kinyurwamo by’igihe gito. Harimo kandi 2 babonetse mu Karere ka Nyamasheke, 1 wabonetse muri Rusizi n’undi wabonetse mu Karere ka Kirehe.
Abamaze gukira iki cyorezo bageze kuri 663 barimo 28 b’uyu munsi.
Muri rusange abamaze kugaragaraho iki cyorezo mu Rwanda ni 1299, abakirwaye bageze kuri 632. Abamaze gupfa ni bane barimo umusaza w’imyaka 65 y’amavuko, umupolisi w’imyaka 24 y’amavuko, umusirikare w’imyaka 51 y’amavuko n’umusaza w’imyaka 78 y’amavuko.
