Bitewe nuko ugomba kuba ufite umutungo ugaragara kugirango ubashe kwiyamamariza kuyobora Leta Zunze Ubumwe za Amerika, nta muntu ujya kwiyamamaza kuyobora iki gihugu akurikiye amafaranga ahembwa. Urubuga ranker.com rwabakoreye urutonde rw’uko umushahara wa perezida wagiye uhinduka bijyanye n’igihe, aho ruvuga ko benshi mu baperezida b’iki gihugu bivugwa ko bagiye bakorera amafaranga menshi mu rwego rw’abikorera kurusha ayo bakoreye nka ba perezida.
Dore uko umushahara wa perezida wagiye uhindagurika bitewe n’igihe
1789 – 1873: $25,000
Kuva kuri manda ya mbere ya George Washington wabaye perezida wa mbere wa Leta Zunze Ubumwe za Amerika, mu 1789, kugeza kuri manda ya kabiri ya perezida Ulysses S. Grant mu 1873, umushahara w’umukuru w’igihugu wari 25,000$, angana muri iki gihe na 635,612$.
1873 – 1909: $50,000
Perezida Grant yongejwe umushara kuri manda ye ya kabiri (Uva ku 25,000$ ugera ku 50,000$), umushahara wagumyeho kugeza William Howard Taft atowe. Ayo mafaranga yahembwaga icyo gihe kuri ubu uyahaye agaciro yaba angana na 944,000$.
[xyz-ihs snippet=”google-pub”]
1909 – 1949: $75,000
Perezida Taft nawe yaje kuva ku 50,000$ agera ku 75,000$, umushahara wagumyeho kugeza kuri manda ya kabiri ya perezida Harry Truman yatangiye mu 1949.
1949 – 1969: $100,000
Perezida Truman yaje kujya ahembwa 100,000$ kuri manda ye ya kabiri, amafaranga kuri ubu uyahaye agaciro yaba angana na 953,000$.
1969 – 2001: $200,000
Kuva kuri perezida Nixon kugeza kuri Bill Clinton, umushahara wa perezida wari 200,000$, amafaranga usubiye mu 1969 yaba angana na miliyoni 1,29$ naho mu 2001 akaba angana na 263,000$.
2001 — kugeza ubu: $400,000
Perezida George W. Bush akimara kujya ku butegetsi umushahara w’umukuru w’igihugu wahise uva ku 200,000$ uhita wikuba kabiri uba 400,000$.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
