Kaminuza ya Namibia ibinyujije mu ishuri ryayo ryigisha ubuvuzi bw’amatungo yatangiye gutoza imbwa zizajya zihunahuna zikamenya umurwayi wa Covid-19.
Intego ni ukohereza izo mbwa ku bibuga by’indege no ku mipaka nk’uko ikinyamakuru The Namibian kivuga . Umuhanga , akaba n’umwarimu muri iyi Kaminuza ya Namibia , Conrad Brain avuga ko ubu buryo bwo kwifshisha imbwa buzaba ari gisubizo mu gupima ahantu hahurira abantu benshi mu gihe urukingo rw’iki cyorezo rutaraboneka.
Alma Raath, umwarimu mu buvuzi bw’amatungo, yongeyeho ko izo ntozo bari gutoza zibereka ko ziri kubasha gutahura ahari coronavirus ku kigero cya 95%.
Ni umushinga watangiye mu mezi abiri ashize gusa ntiharatangazwa igihe izo mbwa zizatangirira akazi.
Imbwa zatojwe zisanzwe zifasha abashinzwe umutekano kwerekana ahari ibintu bitagaragarira amaso.
Ikinyamakuru the Namibian kivuga ko iki gihugu aricyo cya mbere muri Afurika kigiye gutangira gukoresha imbwa mu gutahura Covid-19.
Mu kwezi kwa gatanu, mu Bwongereza hatangiye ubushakashatsi bwo gukoresha imbwa mu gutahura abantu bafite coronavirusi. Izi mbwa ngo si umbwa mbere zikoreshejwe mu buvuzi cyane ko ngo zari zisanzwe zifashishwa mu gutahura abarwaye ubwoko bumwe na bumwe bwa Kanseri.
