Imiryango 18 ikennye cyane yo mu Murenge wa Kirimbi mu Karere ka Nyamasheke irimo iyari itunzwe no kuragirira abandi indi ikaba nta tungo yagiraga, yorojwe inka n’umushinga RW 0327 ukorera muri ADEPR/Paruwasi ya Karengera, uterwa inkunga na Compassion international, abayigize basabwa kuzitaho mu rwego rwo guhindura imibereho bari barimo.
Nk’uko aborojwe babibwiye Bwiza.com, ngo borojwe kuko bamwe mu bana babo basanzwe bafashwa n’uyu mushinga nk’uko byanavuzwe n’umushumba wa ADEPR paruwasi ya Karengera, Rév. Ndushabandi Pierre, bikorwa mu rwego rwo kubagobotora mu ngoyi y’ubukene bukabije barimo, izi nka ngo zisanze izndi 4 zahawe abandi mu minsi ishize, ziyongera ku nzu 29 zubakiwe abatarazigiraga, n’ibindi.
Nsabimana Jean Claude utuye mu kagari ka Karengera,yabwiye Bwiza.com ko aruhutse gusabiriza ifumbire, ubworo bwo kudaha abana be amata, no kutababonera indyo yuzuye kuko nta n’icyo yahingaga ngo cyere mu gihe byose bisaba gufumbira, akizera ko imibereho ye igiye guhinduka.
Ati: “Igiye kunkura ku ngoyi y’ubukene bukabije nari ndimo kuko ndahera ku kubona ifumbire y’imyaka nahingaga ntiyere isagutse nyigurishe nkuremo ankenura kuko najyaga nkoresha ifumbire nsabye ntayibona ngaterera aho ntibyere nk’ibifumbiye, kuba abana batari bazi icyitwa amata na byo byanshenguraga umutima cyane, ariko ndumva nanjye ngiye gutuza umutima nitwe umworozi nk’abandi.’’
Mukaburanga Berthilde wo mu kagari ka Cyimpindu na we ati: “Nta tungo ryanjye bwite nigeze kandi mfite umuryango munini. Najyaga ndagirira abandi ibimasa, ikimasa nakimarana amezi 3 nyira cyo agahita agitwara akajya kukigurisha ngahomba, imbaraga nagitakajeho zikamfira ubusa,ifumbire ntiboneke ihagije kandi umugabo wanjye ntagishoboye kubera ubumuga abana na bwo, ngahora mu mihangayiko y’ukuntu nzabona inka yanjye bwite, none mpawe imbyeyi ndumva imibereho igiye guhinduka.’’
Umushumba w’itorero ry’Akarere rya Nyamasheke muri ADEPR, Rév. Kagorora Gallican, yabibukije kubyaza umusaruro ufatika aya mahirwe kugira ngo bahindure imibereho y’imiryango yabo, bibutswa ko ufashe nabi inka ahawe afatirwa ibindi byemezo.
Ati: “Turabasaba kuzifata neza kugira ngo zizakomeze kororoka zigere no ku bandi kuko hari benshi batarabona amatungo bayakeneye cyane ngo biteze imbere, muzihe umwanya wo kuzitaho muzirikana ko hari abakeneye izizazikomokaho mu bazituriye.’’
Umuyobozi w’ishami ry’imibereho myiza y’abaturage ku rwego rw’Akarere ka Nyamasheke Mukabarahira Jeannine,avuga ko hari benshi badafite n’urukwavu mu ngo, ari bo usangana ibibazo by’imirire mibi yabaye agatereranzamba muri aka karere kuko baba badashobora guhinga ngo beze batafumbiye, abana ntibabone intungamubiri zikomoka ku mata, ntibabone icyo bikenuza mu bihe by’amajye, ari yo mpamvu aba borojwe batemerewe kuzimya igicaniro.
Ati: “Uworojwe ntiyemerewe kuzimya igicaniro,cyane cyane ko izi nka ari ubwoko bwiza, zimwe ziranahaka, hari n’iyahise ibyara ikigera ino, bivuze ko muzifashe neza uko bigomba mutazatinda kubona inyungu izirimo.’’
Akarere ka Nyamasheke kigeze kuvugwamo amatungo magufi yahawe abaturage b’umurenge wa Cyato apfa atamaze kabiri kubera gukurwa mu bice bifite ikirere gitandukanye n’icyako mu bworozi, rwiyemezamirimo Bizimungu Floribert wazibazaniye akavuga ko icyo kibazo kitazavuka kuri izi nka kuko zakuwe mu bice byegereye aka karere, zimenyereye iki kirere, ari n’imvange nziza, nizifatwa neza nta kabuza zizatanga umusaruro witezwe.
4 Responses
Nyamasheke: Imiryango 18 irimo iyari itunzwe no kuragirira abandi yorojwe inka
Ndashaka umukobwa ufite hiv nanjye nndayifite call me 0784081451
Nyamasheke: Imiryango 18 irimo iyari itunzwe no kuragirira abandi yorojwe inka
Ndashaka umukobwa ufite hiv nanjye nndayifite call me 0784081451
Nyamasheke: Imiryango 18 irimo iyari itunzwe no kuragirira abandi yorojwe inka
Ndashaka umukobwa ufite hiv nanjye nndayifite call me 0784081451
Nyamasheke: Imiryango 18 irimo iyari itunzwe no kuragirira abandi yorojwe inka
Ndashaka umukobwa ufite hiv nanjye nndayifite call me 0784081451