Mutangana Jean Bosco (wabaye Umushinjacyaha Mukuru), uherutse gufungwa mu cyumweru gishize akurikiranweho icyaha cyo gukoresha inyandiko mpimbano, yarekuwe.
Aya ni amakuru dukesha igitangazamakuru Igihe, cyatangaje kuri uyu wa 3 Ugushyingo 2020 kivuga ko yizewe.
Byamenyekanye ko Mutangana yatawe muri yombi n’Urwego rw’Igihugu rw’Ubugenzacyaha (RIB) tariki ya 26 Ukwakira 2020 nk’uko Umuvugizi w’uru rwego w’umusigiri, Dr. Murangira B. Thierry yabitangarije RBA.
Dr. Murangira yavuze ko mu gihe Mutangana afungiwe kuri Sitasiyo ya Polisi ya Remera mu Karere ka Gasabo, hagikorwa iperereza kugira ngo dosiye ye ishyikirizwe Urwego rw’Ubushinjacyaha.
Ubu ntiharamenyekana niba ifungurwa rya Mutangana rijyana n’ihagarikwa ry’ikirego akurikiranweho, cyangwa se niba iperereza rirakomeza adafunzwe, ryazarangira dosiye igashyikirizwa Urwego rw’Ubugenzacyaha nk’uko Dr. Murangira yabitangaje mu cyumweru gishize.
