Umuherwe wa mbere mu Bushinwa, Jack Ma, washinze iguriro rikomeye kuri murandasi ryitwa Alibaba, biravugwa ko kuva mu gihe kirenga amezi abiri ashize, yaba yaraburiwe irengero.
Ibiro Ntaramakuru by’Abafaransa, AFP, bivuga ko mu Gushyingo 2020, Ma yagombaga kwitabira irushanwa ryitwa Africa’s Business Heroes ahemberamo abashoramari b’indashyikirwa bo muri Afurika amadolari ya Amerika miliyoni 1.5.
Icyo gihe Ma ntiyabonetse, ahubwo yahagarariwe n’undi muyobozi muri Alibaba. Umuvugizi wa Alibaba yasobanuriye Financial Times ko impamvu uyu muherwe atabonetse muri iri rushanwa ategura, ari uko “ryahuriranye n’indi gahunda” yari afite.
Kuva icyo byatangiye gukekwa ko uyu muherwe utunze miliyari 65.5 z’amadolari ya Amerika (Forbes, 2020), yaba yaraburiwe irengero.
Ibura rye rirasanishwa n’ibibazo Alibaba ndetse n’ikindi kigo Ma yashinze cyitwa Ant Group, bifitanye na Leta y’u Bushinwa, ngo bitewe n’uko bidakurikiza amategeko y’igihugu agenga ishoramari, bigashaka gukora mu buryo bwabyo.
Ubwo Leta y’u Bushinwa yatangaje ko igiye gukora iperereza ku mikorere y’ibi bigo, Ma byaramubabaje.
Byatumye ubwo yari mu nama yabereye mu mujyi wa Shangai tariki ya 24 Ukwakira 2020, anenga politiki y’ishoramari y’u Bushinwa kuko ngo “itsikamira udushya”.
Mu nkuru ya CNBC, Ma yagize ati: “Politiki y’ifaranga iriho ubu ni iya kera. Tugomba gushyiraho inshya igenewe abakiri bato. Dukwiriye gukora impinduka kuri iyi politiki.”
Yakomeje ati: “Ntekereza ko Guverinoma y’u Bushinwa yabyinjiyemo kugira ngo ishyirireho amategeko ibi bigo,…Leta y’u Bushinwa ibyukiye kutemerera ibi bigo ko byakwiganza ku isoko, cyane cyane iry’imari.”
Kuva icyo gihe, Jack Ma ntabwo arongera kugaragara mu ruhame nk’uko ibiro ntaramakuru nka AFP na Reuters bibivuga.
6 Responses
Jack Ma ukize cyane mu Bushinwa yaba yaraburiwe irengero
Niba ari igikoresho cy’abanyamerica ubwo azabyishura,ubushinwa ntibukina nababwinjirira
Jack Ma ukize cyane mu Bushinwa yaba yaraburiwe irengero
Niba ari igikoresho cy’abanyamerica ubwo azabyishura,ubushinwa ntibukina nababwinjirira
Jack Ma ukize cyane mu Bushinwa yaba yaraburiwe irengero
Yarakabije,leta iba ifite imbaraga zirenze iz’umuntu wese,kandi Urwego ariho agomba kwegera leta bakaganira,naho guhangana ntibyamuhira
Jack Ma ukize cyane mu Bushinwa yaba yaraburiwe irengero
Yarakabije,leta iba ifite imbaraga zirenze iz’umuntu wese,kandi Urwego ariho agomba kwegera leta bakaganira,naho guhangana ntibyamuhira
Jack Ma ukize cyane mu Bushinwa yaba yaraburiwe irengero
Yarakabije,leta iba ifite imbaraga zirenze iz’umuntu wese,kandi Urwego ariho agomba kwegera leta bakaganira,naho guhangana ntibyamuhira
Jack Ma ukize cyane mu Bushinwa yaba yaraburiwe irengero
Yarakabije,leta iba ifite imbaraga zirenze iz’umuntu wese,kandi Urwego ariho agomba kwegera leta bakaganira,naho guhangana ntibyamuhira