Perezida wa Repubulika y’u Rwanda, Paul Kagame, kuri uyu wa 23 Gashyantare 2021 yongeye gushinja ibihugu bikize uburyarya mu gushaka inkingo z’icyorezo cya Covid-19.
Ni igitekerezo Umukuru w’Igihugu ku nkuru y’igitangazamakuru Al Jazeera, ivuga ku buryo Umunyamabanga Mukuru w’Umuryango mpuzamahanga wita ku buzima (OMS), Dr. Tedros Adhanom atewe impungenge n’uko ibihugu bikize bikomeje kwikubira inkingo z’iki cyorezo, ibikennye bikabura na nkeya.
Dr. Tedros muri iyi nkuru, yatangaje ko ibihugu bikize biri kuzitira gahunda ya COVAX yo kugeza inkingo za Covid-19 mu bihugu biri mu nzira y’iterambere, kuko ngo umubare w’inkingo Umuryango w’Abibumbye wari witeze kubona muri iyi gahunda, wamanutse.
Perezida Kagame yifashishije urubuga rwa Twitter, yatanze igitekerezo kuri iyi nkuru ati: “Ubu ni uburyarya no gusakuma impande zombi duhora tuvuga. Urugero rumwe muri nyinshi zigira ingaruka!!!”
Umukuru w’Igihugu yagarutse kuri iki kibazo mu nkuru ye iherutse gutambuka muri The Guardian, aho yasabaga ibi bihugu kwemera bigasaranyanga inkingo n’ibiri mu nzira y’iterambere, abibwira ko mu gihe ibihugu biri ku Isi bitifatanyije mu kurwanya iki cyorezo, kitazigera gicika.
Kurikira ibiganiro n’amavidewo binyura kuri Bwiza TV
