Abaturage bo mu Mudugudu wa Munanira, Akagari ka Nyarurama, Umurenge wa Kagarama mu Karere ka Kicukiro, mu gitondo cy’uyu wa 18 Mata 2021 basanze umugabo witwa Turikumwenayo Fiston yapfiriye mu mugozi w’inzitiramibu, bakeka ko yiyahuye.
Aba baturage bavuga ko Turikumwenayo w’imyaka 31 y’amavuko ubusanzwe yacuruzaga amainite (me 2 u) agataha bwije.
Mu ijoro ryo kuri uyu wa 17 Mata ngo ntiyigeze ataha. Baketse ko yaba yatahiye umukobwa umutwitiye umwana nk’uko rimwe na rimwe ajya abigenza.
Mu masaa mbiri y’igitondo, abo bakorana bagiye gukingura inzu ibikwamo ibikoresho byifashishwa mu bucuruzi bw’amainite kugira ngo batangire akazi, basanga amanitse mu mugozi w’inzitiramibu.
Ubuyobozi mu nzego z’ibanze, abashinzwe umutekano n’abakozi b’Urwego rw’Igihugu rw’Ubugenzacyaha (RIB) bageze aho bikekwa ko Turikumwenayo yapfiriye.
Inkuru turacyayikurikirana…
Kurikira ibiganiro n’amavidewo binyura kuri Bwiza TV
