Guverinoma y’u Buholandi kuri uyu wa 15 Gicurasi 2021 yemereye abaturukayo kuza mu Rwanda ishingiye ku buryo iki gihugu gikomeje kurwanya icyorezo cya Covid-19.
Itangazo ryashyizwe ahagaragara na Minisiteri y’Ububanyi n’Amahanga y’u Buholandi rigira riti: “Igihugu (u Rwanda) cyakurikije amabwiriza y’isuku yashyizweho na WHO n’umuryango mpuzamahanga ushinzwe ubukerarugendo, UNWTO.”
Hashingiwe kuri iki cyemezo cya Guverinoma y’u Buholandi, abaturutse mu Rwanda ntibazongera gushyirwa mu kato k’iminsi 14, ahubwo bazajya berekana icyemezo kigaragaza ko batanduye Covid-19 cyonyine.
U Buholandi si cyo gihugu cyonyine cyari cyararahagaritse ingendo ziza mu Rwanda, kuko n’u Bwongereza bwarabikoze, kugeza ubu bukaba bwararugumishije ku rutonde rutukura, ruriho ibihugu birenga 30.
U Bwongereza bwo bwafashe iki cyemezo mu rwego rwo gukumira ubwandu bushya bw’iki cyorezo bwabonetse bwa mbere muri Afurika y’Epfo, bwakekaga ko bwaba bwarageze mu Rwanda.
Kurikira ibiganiro n’amavidewo binyura kuri Bwiza TV
