Umufasha wa Perezida wa Repubulika y’u Burundi, Angeline Ndayishimiye yatangaje ko yabaye umusirikare, asubira mu buzima bwa gisivile ubwo yari afite ipeti rya ‘Lieutenant’.
Angeline yabitangarije mu kiganiro Iragi cyatambutse ku rubuga rwa YouTube rw’ibiro by’Umukuru w’u Burundi tariki ya 8 Kamena 2021, kirebana n’urwibutso kuri Pierre Nkurunziza wayoboye iki gihugu.
Muri iki kiganiro, Angeline yasobanuye byinshi ku buzima bwa Nkurunziza nk’umuntu wamubaye hafi mu bihe bikomeye byarimo intambara ishingiye kuri politiki y’amoko, mbere y’umwaka w’2005 ishyaka CNDD-FDD ritarajya ku butegetsi.
Mu byo yavuzeho, harimo uko yabaye ku rugamba na Nkurunziza no mu ngendo zitandukanye ruva mu Burundi, rujya i Kigoma muri Tanzania, rugaruka mu gihugu cyabo.
Ikindi kandi, Angeline yavuze ko we na Nkurunziza bari barinjiye igisirikare, basubiriye rimwe mu buzima busanzwe ubwo bari mu Ntara ya Muramya.
Yagize ati: “Ikindi ntakwibagirwa ni uko Sogokuru wacu (Nkurunziza) igihe bademobiliza (basubiza mu buzima busanzwe) i Muramvya, twagiriye rimwe muri demobilisation, bandemobilije ku ipeti rya Lieutenant, na we baramudemobilije hamwe na Karumba, hariya i Muramvya twari kumwe uwo munsi wa demobilization.”
Pierre Nkurunziza yabaye Perezida w’u Burundi kuva mu 2005 kugeza ku munsi w’urupfu rwe, tariki ya 8 Kamena 2020.
Kurikira ibiganiro n’amavidewo binyura kuri Bwiza TV
2 Responses
Umufasha wa Perezida Ndayishimiye yavuze ko yabaye umusirikare w’ipeti rya ‘Lieutenant’
Ni amahoro
Jewe iyo ndavye mbona gose yarabaye umukozi wo mu rugo ashinzwe guteka !!
Imenga yamenya guteka neza gusa
Umufasha wa Perezida Ndayishimiye yavuze ko yabaye umusirikare w’ipeti rya ‘Lieutenant’
Ni amahoro
Jewe iyo ndavye mbona gose yarabaye umukozi wo mu rugo ashinzwe guteka !!
Imenga yamenya guteka neza gusa